Mangalam malayalam Newspaper
മലയാളം വാര്‍ത്ത
- രാജീവ്‌ഗാന്ധി കെട്ടിടത്തിന്‌ പണം നല്‍കിയില്ല; സോണിയാഗാന്ധിക്കെതിരേ കേസ്‌
തിരുവനന്തപുരം: രാജീവ്‌ ഗാന്ധിയുമായി ബന്ധപ്പെട്ട കെട്ടിടം പണിത ഇനത്തില്‍ പണം നല്‍കിയില്ലെന്ന്‌ കാണിച്ച്‌ കോണ്‍ഗ്രസ്‌ അദ്ധ്യക്ഷ സോണിയാഗാന്ധിക്കെതിരേ കേരളത്തില്‍ കേസ്‌. രാജീവ്‌ഗാന്ധി ഇന്‍സ്‌റ്റിറ്റ്യൂട്ട്‌ ഫോര്‍ ഡവലപ്‌മെന്റ്‌ സ്‌റ്റഡീസിന്‌ വേണ്ടി കെട്ടിടം പണിതവകയില്‍ കോണ്‍ഗ്രസുകാര്‍ പണം നല്‍കിയില്ലെന്ന്‌ ആരോപിച്ച്‌ പാര്‍ട്ടി അദ്ധ്യക്ഷയ്‌ക്കെതിരേ തിരുവനന്തപുരം ആസ്‌ഥാനമാക്കിയുള്ള കണ്‍സ്‌ട്രക്ഷന്‍ കമ്പനിയാണ്‌ കേസുമായി രംഗത്ത്‌ വന്നിരിക്കുന്നത്‌.
പ്രേതബാധയെന്ന്‌ ആരോപിച്ച്‌ നാല്‌ മാസം പ്രായമുള്ള പെണ്‍കുഞ്ഞിനെ കൊലപ്പെടുത്തിയ പിതാവിന്‌ 15 വര്‍ഷം ജയില്‍ ശിക്ഷ. ഒപ്പം ചാട്ടവാറിന്‌ 1,500 അടിയും സൗദി കോടതി വിധിച്ചിട്ടുണ്ട്‌. നാല്‌ മാസം പ്രായമുള്ള കുഞ്ഞിന്‌ പുറമേ ഭാര്യയുടെ മരണത്തിന്‌ ഇടയാക്കി എന്നതുകൂടി കണക്കിലെടുത്താണ്‌ ജയില്‍ ശിക്ഷയും ചാട്ടയടിയും വിധിച്ചിട്ടുള്ളത്‌.
തിരുവനന്തപുരം: സര്‍ക്കാര്‍ ഉദ്യോഗസ്‌ഥര്‍ക്ക്‌ മാര്‍ഗനിര്‍ദേശങ്ങളുമായി മുഖ്യമന്ത്രി പിണറായി വിജയന്‍. നിശ്‌ചിത സമയത്തിനുള്ളില്‍ ഫയലുകളില്‍ തീരുമാനം എടുക്കണമെന്ന്‌ മുഖ്യമന്ത്രി പറഞ്ഞു. സര്‍ക്കാര്‍ ഉദ്യോഗസ്‌ഥര്‍ക്ക്‌ വേണ്ടി സെക്രട്ടറിയേറ്റില്‍ വിളിച്ചു ചേര്‍ത്ത യോഗത്തിലായിരുന്നു മുഖ്യമന്ത്രി പിണറായി വിജയന്‍ ഉദ്യോഗസ്‌ഥര്‍ക്ക്‌ നിര്‍ദേശങ്ങള്‍ നല്‍കിയത്‌.
ന്യുയോര്‍ക്ക്‌: സമാധാനം നല്‍കാതെ കുരച്ച വളര്‍ത്തു നായയുടെ വായ ടേപ്പുകൊണ്ട്‌ അടച്ചതിന്‌ ഉടമസ്‌ഥയ്‌ക്ക് എട്ടിന്റെ പണി. അസഹ്യമായി കുരച്ച വളര്‍ത്ത്‌ നായയുടെ വായ ടേപ്പുകൊണ്ട്‌ അടച്ചതിനൊപ്പം ഒരു തമാശയ്‌ക്കായി നായയുടെ ചിത്രം 'വായടച്ചില്ലെങ്കില്‍ ഇതാണ്‌ ഉണ്ടാവുക' എന്ന അടിക്കുറിപ്പോടെ ഫെയ്‌സ്ബുക്കില്‍ പോസ്‌റ്റ് ചെയ്‌തതോടെയാണ്‌ ഉടമസ്‌ഥയ്‌ക്ക് പണികിട്ടിയത്‌. ഫെയ്‌സ്ബുക്കില്‍ പോസ്‌റ്റ് ചെയ്‌ത ചിത്രത്തിനു പിന്നാലെ മൃഗസ്‌നേഹികളെത്തിയാതോടെ സംഭവം പൊലീസ്‌ ഏറ്റെടുത്തു.
ഓസ്‌ട്രേലിയ: കുഞ്ഞുമകള്‍ ജിയാനയുടെ ശ്വാസം നിന്നുപോയ നിമിഷം അമ്മ ഗ്ലേസിക്ക്‌ ഇപ്പോഴും ചിന്തിക്കാനാവില്ല. സംഭവിച്ചതെല്ലാം ഒരു സ്വപ്‌നം പോലെ ഓര്‍ക്കാനെ ഗ്ലേസിക്ക്‌ സാധിക്കു. ശ്വാസം ലഭിക്കാതെ ജീവനു വേണ്ടി പിടഞ്ഞ കുഞ്ഞിന്റെ അടുത്തേക്ക്‌ ഓടിയ ഗ്ലേസിയുടെ കൈയില്‍ നിന്നും ഐഫോണ്‍ താഴെ വീണു എന്നാല്‍ അതോന്നും ശ്രദ്ധിക്കാന്‍ നിക്കാതെ കുഞ്ഞിന്‌ സിപിആര്‍ നല്‍കുന്നതിനിടയില്‍ ഗ്ലേസി അലറി വിളിച്ചത്‌ 'ഹേയ്‌ സിരി, കോള്‍ ദ ആംബുലന്‍സ്‌' എന്ന്‌ മാത്രമാണ്‌. ഗ്ലേസിയുടെ നിര്‍ദേശം നിലത്തെവിടെയൊ വീണുകിടന്ന ഐഫോണിലെ 'സിരി' സ്വീകരിച്ചു. ഉടന്‍ തന്നെ സിരി ആംബുലന്‍സ്‌ സേവനവുമായി ബന്ധപ്പെട്ടു.
ഡെറാഡുണ്‍: രാജ്യത്ത്‌ വര്‍ഗീയ കലാപത്തിന്‌ ആഹ്വാനം ചെയ്‌ത് വിഎച്ച്‌പി നേതാവ്‌ സാധ്വി പ്രാചി രംഗത്ത്‌. കോണ്‍ഗ്രസ്‌ മുക്‌ത ഇന്ത്യയെന്ന ലക്ഷ്യം നേടിക്കഴിഞ്ഞുവെന്നും ഇനി മുസ്ലീംവിമുക്‌ത ഇന്ത്യക്കുള്ള സമയമായെന്നും പ്രാചി പറഞ്ഞു. ഉത്തരാഖണ്ഡില്‍ കഴിഞ്ഞ ദിവസം നടന്ന സംഘര്‍ഷത്തിന്റെ പശ്‌ചാത്തലത്തിലാണ്‌ ന്യുനപക്ഷങ്ങള്‍ക്കെതിരെ പ്രാചി നടത്തിയ വര്‍ഗീയ പ്രസംഗം.
ഉത്തരാഖണ്ഡിലുണ്ടായ സംഘര്‍ഷത്തില്‍ അനേകം പേര്‍ക്ക്‌ പരിക്കേറ്റിരുന്നു. ഖാന്‍പുര്‍ എംഎല്‍എ കുന്‍വര്‍ പ്രണവ്‌ സിംഗ്‌ ചാമ്പ്യന്റെ വീടിന്റെ നേര്‍ക്കും ആക്രമണം നടന്നിരുന്നു. ഇത്‌ ഗൂഢാലോചനയുടെ ഭാഗമാണെന്ന്‌ സാധ്വി പ്രാചി ആരോപിച്ചു.
വിര്‍ജീനിയ: മയക്ക്‌ മരുന്നിന്‌ പണം കണ്ടെത്തുന്നതിനു വേണ്ടി മൂന്ന്‌ മാസം പ്രയമുള്ള പെണ്‍കുഞ്ഞിനെ വിറ്റ ദമ്പതികള്‍ അറസ്‌റ്റില്‍. നോര്‍ത്ത്‌ വിര്‍ജീനിയയിലാണ്‌ സംഭവം. കുട്ടിയുടെ അമ്മയായ ആഷ്‌ലെ നിക്കോളെ(25) ഇവരുടെ ഭര്‍ത്താവ്‌ ജൊനാഥന്‍ ഫനന്റ്‌(22) എന്നിവരാണ്‌ പിടിയിലായിട്ടുള്ളത്‌.
തിരുവനന്തപുരം: സംസ്‌ഥാനത്ത്‌ മഴ കനത്തതിനാല്‍ ജാഗ്രത പാലിക്കണമെന്ന്‌ ദുരന്തനിവാരണ വിഭാഗം മുന്നറിയിപ്പ്‌ നല്‍കി. മലയോരമേഖലകളില്‍ താമസിക്കുന്നവരും ഹില്‍ സ്‌റ്റേഷനുകളിലേക്കെത്തുന്ന വിനോദസഞ്ചാരികളും ജാഗ്രത പാലിക്കണമെന്ന്‌ ദുരന്തനിവാരണവിഭാഗം മുന്നറിയിപ്പ്‌ നല്‍കിയിട്ടുണ്ട്‌. ഇവിടങ്ങളിലേക്ക്‌ രാത്രി യാത്ര നിരോധിക്കണമെന്നും നിര്‍ദേശമുണ്ട്‌.
