Kerala Home - മലയാളം - Mathrubhumi - കുട്ടികളെ ശ്രദ്ധിച്ചില്ല: സോഷ്യല്‍ മീഡിയയില്‍ മതിമറന്ന ഭാര്യയെ ഭര്‍ത്താവ് കൊന്നു

കുട്ടികളെ ശ്രദ്ധിച്ചില്ല: സോഷ്യല്‍ മീഡിയയില്‍ മതിമറന്ന ഭാര്യയെ ഭര്‍ത്താവ് കൊന്നു


17 April 2018 02:01

ഗുരുഗ്രാം: ഫെയ്സ്ബുക്കിനും വാട്സ് ആപ്പിനും അടിമയായ ഭാര്യയെ ഭർത്താവ് കൊന്നു. സോഷ്യൽ മീഡിയയിൽ മുഴുകിയ ഭാര്യ കുട്ടികളെ ശ്രദ്ധിക്കുന്നില്ലെന്ന തോന്നലിലാണ് ഭർത്താവ് ഭാര്യയെ കൊന്നത്. ഗുരുഗ്രാമിലെ സെക്ടർ 32 ലാണ് സംഭവം. വ്യാഴാഴ്ച്ച രാത്രിയിലാണ് ലക്ഷ്മിയെ (32) ഭർത്താവ് ഹരിഓം( 35) സെക്ടർ 32ലെ സരെ ഹോം ഫ്ളോറ്റിൽ വച്ച് കൊലപ്പെടുത്തിയത്. വെള്ളിയാഴ്ചപോലീസ് ഇയാളെ അറസ്റ്റ് ചെയ്തു. ഉറങ്ങുകയായിരുന്ന ലക്ഷ്മിയെ ഹരിഓം കൊലപ്പെടുത്തുകയായിരുന്നു. വെള്ളിയാഴ്ച്ച പുലർച്ചെ മകളെ സന്ദർശിക്കാനായി ലക്ഷ്മിയുടെ അച്ഛൻ ബൽവാത്ത് സിങ് എത്തിയപ്പോൾ ലക്ഷ്മി കട്ടിലിൽ മരിച്ചു കിടക്കുന്നതും സമീപത്തായി ഹരിഓം ഇരിക്കുന്നതുമാണ് കണ്ടത്. പിതാവ് ഉടൻ വിവരം അറിയിച്ചതിനെ തുടർന്ന് പോലീസെത്തി ഹരിഓമിനെ അറസ്റ്റ് ചെയ്തു. കോടതിയിൽ ഹാജരാക്കിയ ഇയാളെ പോലീസ് രണ്ട് ദിവസത്തേക്ക് കസ്റ്റഡിയിൽ വിട്ടു. കംപ്യൂട്ടർ റിപ്പയർ ഷോപ്പിന്റെ ഉടമയാണ് ഹരിഓം. 2006 ൽ വിവാഹിതരായ ഹരിഓം- ലക്ഷ്മി ദമ്പതികൾക്ക് രണ്ട് കുട്ടികളാണ് ഉള്ളത്. ആദ്യ വർഷങ്ങളിൽ കുടുംബം സമാധാനപരമായാണ് മുന്നോട്ട് പോയതെന്നും എന്നാൽ താൻ ലക്ഷ്മിക്ക് സ്മാർട്ട് ഫോൺ വാങ്ങിക്കൊടുത്തതാണ് എല്ലാപ്രശ്നങ്ങൾക്കും കാരണമെന്നും ഹരിപറയുന്നു. കഴിഞ്ഞ രണ്ട് വർഷങ്ങളായി ഫോൺ ലക്ഷ്മിയുടെ സ്വഭാവത്തിൽ കാര്യമായ മാറ്റം വരുത്തി. ഇതോടെ തന്നെയും കുട്ടികളെയും ലക്ഷ്മി അവഗണിക്കാൻ തുടങ്ങിയതായും ഭക്ഷണം പാകം ചെയ്യുകയോ വീട്ടുജോലികൾ ചെയ്യുകയോ പോലും ചെയ്യാതെ രാത്രിയും പകലും ഫോണിൽ തന്നെ മുഴുകി. കുട്ടികളെ സ്കൂളിൽ നിന്നും തിരികെ കൊണ്ടുവരാനും ലക്ഷ്മിക്ക് സമയമില്ലാതായതായും ഹരി പറയുന്നു. ആദ്യമൊന്നും താൻ ഇതത്രെ കാര്യമാക്കിയില്ല. എന്നാൽ ക്രമേണ ലക്ഷ്മിയുമായി വക്കേറ്റം ഉണ്ടാകുക പതിവായി. ഇതോടെ 8 വയസുള്ള മകനെയും 10 വയസുള്ള മകളെയും ബോർഡിങ്ങ് സ്കൂളിലേക്ക് മാറ്റി. എന്നാൽ കുട്ടികളെ അസാനിധ്യം പോലും ലക്ഷ്മിയെ ബാധിച്ചില്ലെന്നും ഫോണിൽ ചെലവഴിക്കുന്ന സമയം കൂടുകയാണ് ചെയ്തതെന്നും ഹരി പറയുന്നു. ലക്ഷ്മി സോഷ്യൽ മീഡിയ അക്കൗണ്ട് തന്നെ ഒരിക്കലും കാണിച്ചിരുന്നില്ല,സോഷ്യൽ മീഡിയ വഴി ലക്ഷ്മിക്ക് പ്രണയബന്ധം ഉള്ളതായി തനിക്ക് സംശയം ഉണ്ടായിരുന്നെന്നും ഇതേ ചൊല്ലി വ്യാഴാഴ്ചരാത്രി ഇരുവരും തമ്മിൽ വാക്കു തർക്കം ഉണ്ടായതായും ഹരി പറയുന്നു. തുടർന്ന് ഉറങ്ങാൻ പോയ ഭാര്യയെ ഇയാൾ കൊലപ്പെടുത്തുകയായിരുന്നു. Man kills wife in Facebook, WhatsApp addiction
.
കുട്ടികളെ ശ്രദ്ധിച്ചില്ല: സോഷ്യല്‍ മീഡിയയില്‍ മതിമറന്ന ഭാര്യയെ ഭര്‍ത്താവ് കൊന്നു. This article is published at 17 April 2018 02:01 from Mathrubhumi malayalam Newspaper Online, click on the read full article link below to see further details.


Read Full Article on Mathrubhumi >>

Tags : കുട്ടികളെ, ശ്രദ്ധിച്ചില്ല, സോഷ്യല്‍, മീഡിയയില്‍, മതിമറന്ന, ഭാര്യയെ, ഭര്‍ത്താവ്, കൊന്നു


Share