Kerala Home - മലയാളം - Mathrubhumi - ബജറ്റിൽ തൊഴിലില്ലായ്മ പരിഹരിക്കുന്നതിനുള്ള നടപടികൾ; കർഷകർക്കും സഹായം - തോമസ് ഐസക്ക്

ബജറ്റിൽ തൊഴിലില്ലായ്മ പരിഹരിക്കുന്നതിനുള്ള നടപടികൾ; കർഷകർക്കും സഹായം - തോമസ് ഐസക്ക്


14 January 2021 09:20

തിരുവനന്തപുരം: കോവിഡ് വാക്സിനേഷനുമായി ബന്ധപ്പെട്ട പ്രഖ്യാപനങ്ങൾ ബജറ്റിലുണ്ടാകില്ലെന്ന് ധനമന്ത്രി തോമസ് ഐസക്ക്. വാക്സിനേഷനെക്കുറിച്ചുള്ള കേന്ദ്ര തീരുമാനം വ്യക്തമല്ലാത്തതിനാൽ ഇക്കാര്യത്തേക്കുറിച്ച് പറയാനാകില്ല. കേന്ദ്രം സൗജന്യമായി തന്നില്ലെങ്കിലും കേരളത്തിൽ വാക്സിൻ സൗജന്യമായിരിക്കുമെന്ന് മുഖ്യമന്ത്രി പ്രഖ്യാപിച്ചിട്ടുണ്ട്. കേന്ദ്രം ചുരുങ്ങിയ വിലയ്ക്ക് നൽകിയാൽ നമ്മൾ അത്രയും പൈസ മുടക്കിയാൽ മതിയെന്നും ധനമന്ത്രി പറഞ്ഞു. ബജറ്റിൽ നികുതി ഭാരമുണ്ടാകില്ലെന്നും ഇളവുകളുമുണ്ടാകുമെന്നും ധനമന്ത്രി മാതൃഭൂമി ന്യൂസിനോട് പറഞ്ഞു. വിവിധ ക്ഷേമ പെൻഷൻ പരിധിയിലുള്ളവർക്ക് ബജറ്റിൽ കൂടുതൽ സഹായം ഉണ്ടാകും. കാർഷിക സമരകാലത്ത് കർഷകർക്ക് പ്രത്യേക സഹായം ബജറ്റിലുണ്ടാകും. ബജറ്റ് അറിയപ്പെടാൻ പോകുന്നത് കേരളത്തിലെ അഭ്യസ്ത വിദ്യരുടെ തൊഴിലില്ലായ്മ പരിഹരിക്കുന്നതിനുള്ള പരിപാടി മുന്നോട്ട് വെയ്ക്കുന്ന ബജറ്റ് എന്ന് നിലയിലായിരിക്കുമെന്നും ധനമന്ത്രി പറഞ്ഞു. കഴിഞ്ഞ അഞ്ച് വർഷക്കാലം കർകശമായ ധന നയമാണ് പിന്തുടർന്ന് വന്നിരുന്നതെന്നും കോവിഡ് വന്നപ്പോഴാണ് ഇക്കാര്യത്തിൽ അയവുണ്ടായതെന്നും അദ്ദേഹം പറഞ്ഞു. ഇത് അവസാവന ബജറ്റായതിനാൽ പേഴ്സ് അയക്കേണ്ടിവരും. പലരേയും പരിഗണിക്കേണ്ടിവരുമെന്നും കർഷകരുടെ ആവശ്യങ്ങൾക്ക് ചെവികൊടുക്കേണ്ടിവരുമെന്നും അദ്ദേഹം പറഞ്ഞു. കാർഷിക മേഖലയ്ക്ക് വലിയ ഊന്നലുണ്ടാകുമെന്നും അദ്ദേഹം കൂട്ടിച്ചേർത്തു. Content Highlights: No announcements related to Covid vaccination in budget, says Thomas Isaac
.
ബജറ്റിൽ തൊഴിലില്ലായ്മ പരിഹരിക്കുന്നതിനുള്ള നടപടികൾ; കർഷകർക്കും സഹായം - തോമസ് ഐസക്ക്. This article is published at 14 January 2021 09:20 from Mathrubhumi malayalam Newspaper Online, click on the read full article link below to see further details.


Read Full Article on Mathrubhumi >>

Tags : ബജറ്റിൽ, തൊഴിലില്ലായ്മ, പരിഹരിക്കുന്നതിനുള്ള, നടപടികൾ, കർഷകർക്കും, സഹായം, തോമസ്, ഐസക്ക്